ಕಾವು : ಜಾನುವಾರು ಜಾಥಾ ಮೆರವಣಿಗೆ,ದೇಗುಲ ವಠಾರದಲ್ಲಿ ಗೋ ಪೂಜೆ,ಮಿಶ್ರ ತಳಿ ಹೆಣ್ಣು ಕರುಗಳ ಪ್ರದರ್ಶನ, ಸಭಾ ಕಾರ್ಯಕ್ರಮ
ಪಶುಪಾಲನಾ ಮತ್ತು ಪಶುವೈದ್ಯಕೀಯ ಸೇವಾ ಇಲಾಖೆ, ಮಂಗಳೂರು, ದಕ್ಷಿಣ ಕನ್ನಡ ಸಹಕಾರಿ ಹಾಲು ಉತ್ಪಾದಕರ
ಒಕ್ಕೂಟ, ಮಂಗಳೂರು, ಪಶುಪಾಲನಾ ಮತ್ತು ಪಶುವೈದ್ಯಕೀಯ ಸೇವಾ ಇಲಾಖೆ, ಪುತ್ತೂರು ತಾಲೂಕಿನ
ವಿವಿಧ ಹಾಲು ಉತ್ಪಾದಕರ ಸಹಕಾರಿ ಸಂಘ ಹಾಗೂ ವಿವಿಧ ಸಂಘ ಇವುಗಳ ಸಂಯುಕ್ತ ಆಶ್ರಯದಲ್ಲಿ
ಜಾನುವಾರು ಜಾಥಾ,ಗೋ ಪೂಜೆ,ಮಿಶ್ರ ತಳಿ ಹೆಣ್ಣು ಕರುಗಳ ಪ್ರದರ್ಶನ, ಮಕ್ಕಳಿಗೆ ಗೋ ಸಂಬಂಧಿಸಿದ ರಸ ಪ್ರಶ್ನೆ,
ಸಭಾ ಕಾರ್ಯಕ್ರಮ, ತಾಲೂಕು ಮಟ್ಟದ ಹಾಲು ಕರೆಯುವ ಸ್ಪರ್ಧೆಯು ಜ.28 ರಂದು ಕಾವು ಶ್ರೀ ಪಂಚಲಿಂಗೇಶ್ವರ
ದೇವಸ್ಥಾನದ ವಠಾರದಲ್ಲಿ ನಡೆಯಿತು.
ಜಾನುವಾರು ಜಾಥಾವನ್ನು ಮಂಗಳೂರು ಹಾಲು ಉತ್ಪಾದಕರ ಒಕ್ಕೂಟದ ಅಧ್ಯಕ್ಷ ಕೆ. ಪಿ. ಸುಚರಿತ ಶೆಟ್ಟಿ, ಮಂಗಳೂರು,
ಉಪಾಧ್ಯಕ್ಷ ಎಸ್. ಬಿ. ಜಯರಾಮ ರೈ ಬಳಜ್ಜ ಚಾಲನೆ ನೀಡಿದರು. ಮಂಗಳೂರು ಹಾಲು ಉತ್ಪಾದಕರ ಒಕ್ಕೂಟದ
ನಿರ್ದೇಶಕ ನಾರಾಯಣ ಪ್ರಕಾಶ್ ಕೆ. ಗೋಪೂಜೆಯನ್ನು ಉದ್ಘಾಟಿಸಿದರು.
ಮಾಹಿತಿ ಕಾರ್ಯಾಗಾರ ಹಾಗೂ ಶಾಲಾ ಅರಿವು ಕಾರ್ಯಕ್ರಮ ಮತ್ತು ರಸಪ್ರಶ್ನೆ ನಡೆಯಿತು.
ಸಮಾರೋಪ ಕಾರ್ಯಕ್ರಮವನ್ನು ಪುತ್ತೂರು ವಿಧಾನ ಸಭಾಕ್ಷೇತ್ರ ಶಾಸಕ ರಾದ ಅಶೋಕ್ ಕುಮಾರ್ ರೈ ದೀಪ ಬೆಳಗಿಸಿ ಉದ್ಘಾಟಿಸಿ ಮಾತನಾಡಿ ಹೊಸ ತರದ ಕಾರ್ಯಕ್ರಮವಾಗಿದೆ. ಹೈನುಗಾರಿಕೆ ಕಡಿಮೆ ಯಾಗಲು ಯುವಕರು ಬಾರದೇ ಇರುವುದು ಕಾರಣವಾಗಿದೆ.ಹೊಸ ತಂತ್ರ ಜ್ಞಾನ ಮೂಲಕ ಹೈನುಗಾರಿಕೆ ಹೆಚ್ಚು ಒತ್ತು ನೀಡುವ ಕಾರ್ಯ ಆಗಬೇಕು. ಹೈನುಗಾರಿಕೆ ಯಲ್ಲಿ ಆರ್ಥಿಕವಾಗಿ ದುಡ್ಡು ಮಾಡಲು ಸಾಧ್ಯವಿಲ್ಲ. ಹೈನುಗಾರಿಕೆಯಲ್ಲಿ ಸ್ವಾವಲಂಬಿಯಾಗಿ ಆರ್ಥಿಕ ಸದೃಢ ವಾಗಲು ಹೊಸ ಯೋಜನೆಗಳನ್ನು ಕಾರ್ಯಗತಗೊಳಿಸಬೇಕೆಂದು ಎಂದು ಹೇಳಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಮಾಡ್ನೂರು ಹಾ ಉ. ಸ. ಸಂಘ ಅಧ್ಯಕ್ಚ ಚಂದ್ರಶೇಖರ್ ರಾವ್ ರವರ
ಅಧ್ಯಕ್ಷತೆವಹಿಸಿ ಮಾತನಾಡಿ ಕಡಿಮೆ ಅವಧಿಯಲ್ಲಿ ಹೆಚ್ಚು ಮುತುವರ್ಜಿ ವಹಿಸಿಕೊಂಡು ಕಾರ್ಯಕ್ರಮ ಹಮ್ಮಿಗೊಂಡು
ಹೈನುಗಾರರ ರೈತರ ಮತ್ತು ಅಧಿಕಾರಿಗಳ ಪ್ರೋತ್ಸಾಹ ಸಿಕ್ಕಿ ಕಾರ್ಯಕ್ರಮ ಯಶಸ್ವಿಯಾಗಿದೆ ಎಂದು ಹೇಳಿದರು.
ಮಂಗಳೂರು ದ. ಕ . ಹಾ. ಉ. ಒಕ್ಕೂಟದ ಅಧ್ಯಕ್ಷ ಕೆ. ಪಿ. ಸುಚರಿತ ಶೆಟ್ಟಿ ,ಮಂಗಳೂರು ದ. ಕ . ಹಾ. ಉ.
ಒಕ್ಕೂಟದ ಉಪಾಧ್ಯಕ್ಷ ಎಸ್. ಬಿ. ಜಯರಾಮ ರೈ ಬಳಜ್ಜ 50ವರ್ಷ ಹಿಂದೆ ಹಾಲು ಉತ್ಪಾದಕ ಸಂಘ ಪ್ರಾರಂಭವಾಗಿ
ಇಂದು ಸದೃಢವಾಗಿ ಸಂಘ ಬೆಳೆದಿದೆ.
ಬೇರೆ ಕಾರಣದಿಂದ ಹಾಲು ಉತ್ಪಾದನೆ ಕಡಿಮೆಯಾಗಿದೆ. ಹಾಲಿನ ಬೇಡಿಕೆ ಹೆಚ್ಚು ಇದೆ. ಸಹಕಾರ ನೀಡಿದ ಎಲ್ಲರಿಗೂ
ಅಭಿನಂದನೆಗಳು ಎಂದು ಹೇಳಿದರು.
ದ. ಕ. ಹಾ. ಉ. ಒಕ್ಕೂಟದ ನಿರ್ದೇಶಕರಾದ ಸವಿತಾ ಎನ್. ಶೆಟ್ಟಿ, ದ. ಕ. ಹಾ. ಉ. ಒಕ್ಕೂಟದ
ವ್ಯವಸ್ಥಾಪಕ ನಿರ್ದೇಶಕ ವಿವೇಕ್ ಡಿ., ಮಂಗಳೂರು ದ. ಕ. ಹಾ. ಉ. ಒಕ್ಕೂಟದ ವ್ಯವಸ್ಥಾಪಕ ಡಾ. ರವಿರಾಜ ಉಡುಪ,
ಕಾವು ಕೃಷಿಪತ್ತಿನ ಪ್ರಾಥಮಿಕ ಸಹಕಾರ ಸಂಘ ಅಧ್ಯಕ್ಷ ನನ್ಯ ಅಚ್ಚುತ ಮೂಡೆತ್ತಾಯ, ಪುತ್ತೂರು ಕೊಂಬೆಟ್ಟು ರಾಮಕೃಷ್ಣ
ಪ್ರೌಢಶಾಲಾ ಸಂಚಾಲಕ ಹೇಮನಾಥ ಶೆಟ್ಟಿ ಕಾವು,ಕಾವು ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ದಿವ್ಯನಾಥ ಶೆಟ್ಟಿ
ಉಪಸ್ಥಿತರಿದ್ದರು. ಪುತ್ತೂರು ಪಶು ಆಸ್ಪತ್ರೆಯ ಸಹಾಯಕ ನಿರ್ದೇಶಕರಾದ ಡಾ.ಧರ್ಮಪಾಲ ಕೆ. ಮಾತನಾಡಿ ಗ್ರಾಮೀಣ
ಪ್ರದೇಶದಲ್ಲಿ ಹೈನುಗಾರಿಕೆ ಉತ್ತೇಜನ ನೀಡುವ ನಿಟ್ಟಿನಲ್ಲಿ ಹೆಣ್ಣು ಮಿಶ್ರ ತಳಿಗಳ ಕರುಗಳ ಪ್ರದರ್ಶನ ಹಾಗೂ
ರೈತರಿಗೆ ಪ್ರೋತ್ಸಾಹ ನಿಟ್ಟಿನಲ್ಲಿ ಈ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. ರೈತರಿಂದ ಉತ್ತಮ ಸ್ಪಂದನೆ ಸಿಕ್ಕಿದೆ
ಎಂದು ಹೇಳಿದರು.
ಜಾನುವಾರು ಜಾಥಾದಲ್ಲಿ ಭಾಗವಹಿಸಿ ಅದೃಷ್ಟಚೀಟಿಯಲ್ಲಿ ಮಹಮ್ಮದ್ ಅದೃಷ್ಟವಂತರಾಗಿ ಮಿಶ್ರತಳಿಯ
ದನ ಮತ್ತು ಕರು ಬಹುಮಾನವಾಗಿ ಪಡೆದುಕೊಂಡರು.
ಕಾರ್ಯಕ್ರಮದ ಸಂಚಾಲಕರು,ಕಾವು ಹಾಲು ಉತ್ಪಾದಕರ ಸಂಘದ ಕಾರ್ಯದರ್ಶಿ ಬಾಲಕೃಷ್ಣ ಕೆದಿಲಾಯರವರನ್ನು
ಶಾಸಕರು ಸನ್ಮಾನಿಸಿದರು.
ದ.ಕ.ಹಾ.ಉ. ಒಕ್ಕೂಟದ ಉಪ ವ್ಯವಸ್ಥಾಪಕರಾದ
ಸತೀಶ್ ರಾವ್ ಇವರು ಹಾಲು ಕರೆಯುವ ಸ್ಪರ್ಧೆಯಲ್ಲಿ
ವಿಜೇತರಾದವರ ಹೆಸರನ್ನು ಘೋಷಿಸಿದರು.
ಕೃಷ್ಣ ರಾಜ್,ವಿಜಯ ಲಕ್ಷೀ ಸುನಂದಾ ಇವರನ್ನು ಶಾಸಕರು ಪ್ರಶಸ್ತಿ ಪತ್ರ ನೀಡಿ ಗೌರವಿಸಿದರು.
ಪಾಣಾಜೆ ಪಶು ವೈದಾಧಿಕಾರಿ ಡಾ. ಎಂ ಪಿ ಪ್ರಕಾಶ್ ಬಹುಮಾನ ಪಟ್ಟಿ ವಾಚಿಸಿದರು. ಬಹುಮಾನ ವಿಜೇತರಿಗೆ
ಬಹುಮಾನ ವಿತರಿಸಲಾಯಿತು.
ದಿವಾಕರ್ ಪ್ರಭು ಮುಂಡೆಕೊಚ್ಚಿ ಇವರ ಮಾಲಕತ್ವದ ಕರು "ಕರುಗಳ ಚಾಂಪಿಯನ್" ಬಹುಮಾನ
ಚಿನ್ನದ ಪದಕ ಪಡೆದುಕೊಂಡಿತ್ತು.
ಮಿಶ್ರದಲ್ಲಿ ಹೆಣ್ಣು ಕರಗಳ ಪ್ರದರ್ಶನದ ವಿಭಾಗದಲ್ಲಿ
ಜರ್ಸಿ ಮಿತ್ರ ತಳಿ : ಪ್ರಾಯ 06 ತಿಂಗಳವರೆಗೆ, 07ರಿಂದ 12ತಿಂಗಳು, 13ರಿಂದ 18 ತಿಂಗಳು,
ಹೆಚ್ ಎಫ್ : ಪ್ರಾಯ 06 ತಿಂಗಳವರೆಗೆ, 07ರಿಂದ 12ತಿಂಗಳು, 13ರಿಂದ 18 ತಿಂಗಳು
ದೇಶೀ ತಳಿ : ಪ್ರಾಯ 06 ತಿಂಗಳವರೆಗೆ, 07ರಿಂದ 12ತಿಂಗಳು, 13ರಿಂದ 18 ತಿಂಗಳು
ಮೂರು ವಿಭಾಗದಲ್ಲಿ ವಿಂಗಡಿಸಿ
ಮಿಶ್ರ ತಳಿ ಹೆಣ್ಣು ಕರು ಪ್ರದರ್ಶನದಲ್ಲಿ ಆಯ್ಕೆಯಾದ ದೇಶೀ ತಳಿ, ಜರ್ಸಿ ಮಿತ್ರ ತಳಿ, ಹೆಚ್ ಎಫ್ ಮಿಶ್ರ ತಳಿಯ
ಕರುಗಳಿಗೆ ಪ್ರಥಮ, ದ್ವಿತೀಯ ಹಾಗೂ ತೃತೀಯ ಬಹುಮಾನ ನೀಡಲಾಯಿತು. ಭಾಗವಹಿಸಿದ ಎಲ್ಲಾ ಕರುಗಳಿಗೆ
ಉಚಿತ ಪಶು ಆಹಾರ ನೀಡಲಾಯಿತು.
ಜಾನುವಾರು ಹಾಲು ಕರೆಯುವ ಸ್ಪರ್ಧೆಯಲ್ಲಿ ಆಯ್ಕೆಯಾದ 10 ಜಾನುವಾರುಗಳ ಪ್ರದರ್ಶನ ಹಾಗೂ ಮಾಲಿಕರಿಗೆ
ಆಕರ್ಷಕ ಬಹುಮಾನ ನೀಡಲಾಯಿತು.ಭಾಗವಹಿಸಿದ ಎಲ್ಲಾ ಕರುಗಳಿಗೆ ಸಮಾಧಾನಕರ ಬಹುಮಾನ ನೀಡಲಾಯಿತು
ಹಾಗೂ ವಿಜೇತ ರಾಸುಗಳಿಗೆ ಹಾಗೂ ಕರುಗಳಿಗೆ ಆಕರ್ಷಕ ಬಹುಮಾನ ನೀಡಲಾಯಿತು.
ಪುತ್ತೂರು ಪಶು ವೈದ್ಯಾಧಿಕಾರಿ ಡಾ ಧರ್ಮ ಪಾಲ ಸ್ವಾಗತಿಸಿ, ಪ್ರಸ್ತಾವನೆಗೈದರು.ಕೆ ಎಂ ಎಫ್ ಡಾ. ಸತೀಶ್ ರಾವ್
ವಂದಿಸಿದರು.ದೇವಣ್ಣ ರೈ ಮುದರ್ಪಳ್ಳ ಕಾರ್ಯಕ್ರಮ ನಿರ್ವಹಿಸಿದರು.
ದ.ಕ. ಹಾ. ಉ. ಒಕ್ಕೂಟದ ಪಶುವೈದ್ಯಾಧಿಕಾರಿ ಡಾ. ಅನುದೀಪ್ ಎಸ್. ಆರ್. ವಿಸ್ತರಣಾಧಿಕಾರಿ ಮಾಲತಿ ಪಿ.,
ಪುತ್ತೂರು ಪಶು ಇಲಾಖೆಯ ಪಶು ಪರಿವೀಕ್ಷಕರಾದ ಬಸವರಾಜ್, ವೀರಪ್ಪ, ಪುಂಡರಿಕಾಕ್ಷ ಮತ್ತಿತರರು ಉಪಸ್ಥಿತರಿದ್ದರು.
ವರದಿ: ಮಾಧವ ನಾಯಕ್,ನ್ಯೂಸ್ ಟೈಮ್ ಕನ್ನಡ,ಪುತ್ತೂರು
ಮೊ. 99808 83407
Recent News
