ಮಂಗಳ ಸಮೂಹ ವಿದ್ಯಾ ಸಂಸ್ಥೆಯಲ್ಲಿ ಸಂಭ್ರಮದ 76ನೇ ಗಣರಾಜ್ಯೋತ್ಸವ ದಿನಾಚರಣೆ
ಮಂಗಳೂರಿನ ನೀರುಮಾರ್ಗದಲ್ಲಿರುವ ಮಂಗಳ ಸಮೂಹ ಸಂಸ್ಥೆಯಲ್ಲಿ 76ನೇ ಗಣರಾಜ್ಯೋತ್ಸವವನ್ನು ಸಂಭ್ರಮದಿಂದ ಆಚರಿಸಲಾಯಿತು.
ಜನವರಿ 26ರಂದು ಕಾಲೇಜಿನ ಆವರಣದಲ್ಲಿ ಗಣರಾಜ್ಯೋತ್ಸವದ ಅಂಗವಾಗಿ ನಡೆದ ಬೃಹತ್ ಸಮಾರಂಭದಲ್ಲಿ ಮಂಗಳೂರಿನ ಎನ್.ಸಿ.ಸಿ. ಕಮಾಂಡಿಂಗ್ ಆಫಿಸರ್ ಶ್ರೀ ಲೆಫ್ಟಿನೆಂಟ್‌ಕರ್ನಲ್ ಗ್ರೇಶಿಯನ್ ಸಿಕ್ವೇರ ಅವರು ಭಾಗವಹಿಸಿ ದ್ವಜಾರೋಹಣ ನೆರವೇರಿಸಿದರು.
ಸಮಾರಂಭದಲ್ಲಿ ಭಾಗವಹಿಸಿದ ಅಪಾರ ಸಂಖ್ಯೆಯ ವಿದ್ಯಾರ್ಥಿಗಳಿಗೆ ತನ್ನ ಸೈನಿಕನಾಗಿ ದೇಶಸೇವೆಯ ಅನುಭವಗಳನ್ನು ಹಂಚಿಕೊಂಡರು, ಸೈನ್ಯದ ಮತ್ತು ಸೈನಿಕರ ಶಿಸ್ತಿನ ಬಗ್ಗೆ ವಿವರವಾಗಿ ತಿಳಿಸಿಕೊಟ್ಟು ನಮ್ಮಜೀವನದಲ್ಲಿ ಶಿಸ್ತಿನಿಂದ ಸಿಗುವ ಪ್ರಯೋಜನಗಳನ್ನು ವಿವರಿಸಿ, ಮುಂದಿನ ಪ್ರಜೆಗಳು ಹೇಗೆ ರೂಪುಗೊಳ್ಳಬೇಕೆಂದು ಮಾತ್ರವಲ್ಲದೇ ತನ್ನ ಜೀವನವನ್ನು ಹೇಗೆ ಭದ್ರಗೊಳಿಸಬಹುದೆಂದು ವಿವರವಾಗಿ ತಿಳಿಸಿಕೊಟ್ಟರು.
ಸಮಾರಂಭದಲ್ಲಿ ಕಾಲೇಜಿನ ಎನ್.ಸಿ.ಸಿ ವಿದ್ಯಾರ್ಥಿಗಳ ಚಟುವಟಿಕೆ ಹಾಗೂ ಶಿಸ್ತನ್ನು ಅಭಿನಂದಿಸಿ ಅವರಿಗೆ ಎನ್.ಸಿ.ಸಿ ಪ್ರಮಾಣ ಪತ್ರಗಳನ್ನು ವಿತರಿಸಿ ಶುಭಹಾರೈಸಿದರು.
ಮಂಗಳ ಸಮೂಹ ವಿದ್ಯಾ ಸಂಸ್ಥೆಯ ಸ್ಥಾಪಕಾಧ್ಯಕ್ಷರಾದ ಡಾ.ಗಣಪತಿ ಭಟ್ ರವರು ಅಧ್ಯಕ್ಷತೆವಹಿಸಿ ವಿದ್ಯಾರ್ಥಿಗಳಿಗೆ ಹಿತವಚನ ಹೇಳಿದರು ಮತ್ತು ಮುಂದಿನ ಜೀವನಕ್ಕೆ ಶುಭವನ್ನುಕೋರಿದರು.
ಉಪಾದ್ಯಕ್ಷರಾದ ಡಾ. ಅನಿತಾ ಜಿ ಭಟ್, ಕಾಲೇಜಿನ ಡೀನ್‌ರಾದ ಪ್ರತಿಜ್ಞಾ ಸುಹಾಸಿನಿ ಜಿ. ಆರ್, ಉಪ ಪ್ರಾಂಶುಪಾಲರಾದ ಶ್ರೀಮತಿ ಗೀತಾಲಕ್ಷ್ಮಿ, ನರ್ಸಿಂಗ್ ಕಾಲೇಜಿನ ಪ್ರಾಂಶುಪಾಲ ಪ್ರೊ.ಸುಬ್ರಹ್ಮಣ್ಯ ನಾಯಕ್, ಫಿಸಿಯೋತೆರಪಿ ಕಾಲೇಜಿನ ಪ್ರಾಂಶುಪಾಲ ಡಾ. ಭರತ್ ಕೆ. ಹೆಚ್. ಮತ್ತು ಎನ್.ಸಿ.ಸಿ. ಪರ್ಸನಲ್ ಇನ್ಸ್ಪೆಕ್ಟರ್ ರಾದ ಶ್ರೀ ಎನ್.ಬಿ. ಪಾಟೀಲ್, ಎನ್.ಸಿ.ಸಿ ಕೇರ್‌ಟೇಕರ್ ಆಫಿಸರ್ ಶ್ರೀ ಅರುಣ್‌ಕುಮಾರ್, ಫಿಸಿಕಲ್ ಡೈರೆಕ್ಟರ್‌ರಾದ ಶ್ರೀ ಯೋಗಿಶ್ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದರು.
ಅಸಿಸ್ಟೆಂಟ್ ಪ್ರೊಫೆಸರ್ ಶ್ರೀಮತಿ ಶರಣ್ಯ ಕಾರ್ಯಕ್ರಮವನ್ನು ನಿರ್ವಹಿಸಿದರು.
Recent News
