ಭಾರತ ಮತ್ತು ಇಂಗ್ಲೆಂಡ್​ ಟಿ20 ಸರಣಿ:ಭಾರತಕ್ಕೆ 15ರನ್ನು ಗಳ ಗೆಲುವು - ಒಂದು ಪಂದ್ಯ ಬಾಕಿ ಇರುವಾಗಲೇ ಸರಣಿ ಗೆದ್ದ ಟೀಮ್ ಇಂಡಿಯಾ

ಕ್ರೀಡೆ

• Posted On
• 2025-01-31
• Posted By
• News Time Kannada Desk

ಪುಣೆಯಲ್ಲಿ ನಡೆದ ಭಾರತ ಮತ್ತು ಇಂಗ್ಲೆಂಡ್​ ನಡುವಿನ ನಾಲ್ಕನೇ ಟಿ20 ಪಂದ್ಯದಲ್ಲಿ ಇಂಗ್ಲೆಂಡ್​ ವಿರುದ್ಧ ಟೀಮ್ ಇಂಡಿಯಾ ಭರ್ಜರಿ ಗೆಲುವು ಸಾಧಿಸಿದೆ. ಈ ಮೂಲಕ ಐದು ಪಂದ್ಯಗಳ ಟಿ20 ಸರಣಿಯನ್ನು ಭಾರತ ವಶಪಡಿಸಿಕೊಂಡಿದೆ.

ಇಂಗ್ಲೆಂಡ್​ ಪರ ಅಮೋಘ ಬ್ಯಾಟಿಂಗ್ ಮಾಡಿದ ಬೆನ್ ಡಕ್ಕೆಟ್​​ (39) ಮತ್ತು ಹ್ಯಾರಿ ಬ್ರೂಕ್​ರ ಆಕರ್ಷಕ ಅರ್ಧಶತಕ (51) ಕಡೆಗೂ ಫಲಿಸಲಿಲ್ಲ.
ಟೀಮ್ ಇಂಡಿಯಾ ವಿರುದ್ಧದ ಗೆಲುವಿಗೆ ಇಬ್ಬರ ಕೊಡುಗೆಯೂ ಫಲ ನೀಡದೆ ಹೋಗಿದ್ದು, ಇಂಗ್ಲೆಂಡ್​ ಅಭಿಮಾನಿಗಳ ಭಾರೀ ನಿರಾಸೆಗೆ ಕಾರಣವಾಯಿತು.

ಟಾಸ್ ಗೆದ್ದ ಇಂಗ್ಲೆಂಡ್​ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಈ ವೇಳೆ ಬ್ಯಾಟಿಂಗ್​ ಮಾಡಿದ ಭಾರತ, 20 ಓವರ್​ನಲ್ಲಿ 9 ವಿಕೆಟ್ ನಷ್ಟಕ್ಕೆ 181 ರನ್ ಗಳಿಸಲು ಶಕ್ತವಾಯಿತು. ಭಾರತ ನೀಡಿದ 182 ರನ್​ ಗುರಿಯನ್ನು ಬೆನ್ನಟ್ಟಿದ ಇಂಗ್ಲೆಂಡ್​ ಬ್ಯಾಟರ್​ಗಳು ಮೊದಲ ಹತ್ತು ಓವರ್​ನಲ್ಲೇ ಮೂರು ವಿಕೆಟ್​ಗಳನ್ನು ಕಳೆದುಕೊಂಡಿತು. ಆರಂಭಿಕ ಹಂತದಲ್ಲೇ ಸ್ಟಾರ್​ ಬ್ಯಾಟರ್​ಗಳ ವಿಕೆಟ್​ ಉರುಳಿದ್ದು, ಇಂಗ್ಲೆಂಡ್​ಗೆ ಕಂಟಕವಾಯಿತು.

ಭಾರತದ ಪರ ಅಬ್ಬರದ ಬ್ಯಾಟಿಂಗ್​ ಮಾಡಿದ ಹಾರ್ದಿಕ್​ ಪಾಂಡ್ಯ (53) ಮತ್ತು ಶಿವಂ ದುಬೆ (53*) ಆಕರ್ಷಕ ಅರ್ಧಶತಕ ಟೀಮ್ ಇಂಡಿಯಾ ಗೆಲುವಿಗೆ ಪ್ರಮುಖ ಕಾರಣವಾಯಿತು. ಇನ್ನು ಭಾರತ ನೀಡಿದ ಗುರಿಯನ್ನು ಚೇಸ್​ ಮಾಡಿದ ಇಂಗ್ಲೆಂಡ್​ ಬ್ಯಾಟರ್​ಗಳನ್ನು ಬೆಂಬಿಡದೆ ಕಾಡಿದ ರವಿ ಬಿಷ್ಣೋಯಿ, ಹರ್ಷಿತ್ ರಾಣ ತಲಾ ಮೂರು ವಿಕೆಟ್​ಗಳನ್ನು ಪಡೆದರೆ, ವರುಣ್​ ಚಕ್ರವರ್ತಿ 2 ವಿಕೆಟ್​ ಪಡೆದು, ಟೀಮ್ ಇಂಡಿಯಾ ಪರ ಮಿಂಚಿದರು. ನಾಲ್ಕನೇ ಟಿ20 ಪಂದ್ಯವನ್ನೂ ಗೆದ್ದ ಭಾರತ, 3-1 ಅಂತರದಲ್ಲಿ ಇಂಗ್ಲೆಂಡ್​ ವಿರುದ್ಧ ಸರಣಿ ವಶಪಡಿಸಿಕೊಂಡಿದೆ.